EVAC-500RT | Voice Evacuation Router

EVAC (Emergency Voice Alarm Communication) sistemi fövqəladə hallarda insanların təhlükəsiz şəkildə məlumatlandırılması və evakuasiya prosesinin idarə edilməsi üçün istifadə olunan səsli xəbərdarlıq sistemidir. Bu sistemlər yanğın və digər riskli vəziyyətlərdə əvvəlcədən yazılmış və ya canlı elanlar vasitəsilə insanları istiqamətləndirir.

EVAC sistemləri əsasən insanların çox olduğu məkanlarda istifadə olunur. Məsələn ticarət mərkəzləri, ofis binaları, hotellər, xəstəxanalar, məktəblər, aeroportlar və digər ictimai obyektlərdə təhlükəsizlik standartlarına uyğun olaraq quraşdırılır.

Adi audio sistemlər əsasən musiqi və elan üçün istifadə olunur. EVAC sistemləri isə fövqəladə hallarda işləmək üçün xüsusi təhlükəsizlik standartlarına uyğun hazırlanır. Bu sistemlər avtomatik xəbərdarlıq, zona üzrə elan və evakuasiya idarəetməsi kimi funksiyalara malik olur.

EVAC sistemlərində zonalar binanın müxtəlif hissələrinin ayrıca idarə olunmasına imkan verir. Məsələn bir binada bir neçə mərtəbə və ya sahə ayrıca zona kimi təyin edilə bilər. Bu sayədə lazım olduqda yalnız müəyyən zonalara xəbərdarlıq və ya evakuasiya elanları verilə bilər.

EVAC sistemi adətən idarəetmə mərkəzi (controller), gücləndiricilər (amplifier), zonalar üçün idarəetmə modulları, mikrofon stansiyaları və dinamiklərdən ibarət olur. Bu avadanlıqlar birlikdə işləyərək səsli xəbərdarlıq və evakuasiya prosesini təmin edir.

Bəli, Bakı daxilində peşəkar quraşdırma və konfiqurasiya xidməti təklif edirik. Ətraflı məlumat üçün "Məsləhət al" düyməsindən və ya birbaşa əlaqə nömrəmiz vasitəsilə bizimlə əlaqə saxlayın.

EVAC sistem avadanlıqlarına 1 il rəsmi distribütor zəmanəti verilir.

Zəmanət dövrü ərzində hər hansı nasazlıq yaranarsa, bizimlə əlaqə saxlayın. Quraşdırma xidmətimizdən istifadə etmiş müştərilərimizə yerində texniki dəstək göstəririk. Digər hallarda məhsulu servis mərkəzimizə gətirməklə dəyişdirmə və ya təmir xidmətindən yararlanmaq olar.